ردّت الممثلة إيمان أيوب على اتهامات خضوعها لعمليات تجميل، وقالت: "كنت بصور برنامج مع الزميلة الفاضلة الجميلة مروة صبري، واتفاجئت بعد الحلقة طلعت تريند، تريند ليه؟ معرفش، أو يمكن هم بينتقدوا شكلي وبيقولوا عاملة فيلر وعمليات في وشك، أنا انهاردة كنت برا وكنت حاطة ميك آب، أنا همسح الميك آب أدامكم، وزي ما احنا شايفين مافيش فلتر، عشان نقطع الشك باليقين، ونشوف موضوع إن أنا عاملة عمليات تجميل، أنا عاملة فيلر في شفايفي، فأصبح إنه عمليات تجميل في وشي أنا معملتش عمليات في وشي".

وأضافت: "بيتهيأ لي الفيلر اللي الناس بتحطه في شفايفيها دا الناس العادية بتحطه عادي، ومايكروبليدنج في حواجبي".