كشف المجلس القومي للأمومة والطفولة عن المخاطر التي تواجه الأبناء اونلاين والتي يجب الحذر منها.

ونشر القومي للطفولة والأمومة عن مخاطر تواجه الأطفال أونلاين عبر حسابه الرسمي فيسبوك والتي رصدها موقع تحيا مصر.

القومي للأمومة يكشف عن اخطار تواجه الأطفال أونلاين 

- محتوى غير مناسب: ممكن يكون موقع، أو بوست على السوشال ميديا، أو إعلان يظهر في لعبة مجانية، أو فيديوهات كارتون تبان للأطفال بس فيها مشاهد للبالغين، أو إنفلونسرز بيشجعوا على سلوكيات غلط زي الشتايم أو الكذب أو ممارسات غذائية غلط أو تحديات خطيرة. 

- ضرر طفل لطفل: أي نوع من التنمر أو الإساءة الجسدية أو الجنسية أو العاطفية أو المالية أو السيطرة بين الأطفال وبعدهم عن طريق استغلال نقط ضعف زي صور وفيديوهات شخصية أو إعاقات. الإساءة دي ممكن تبتدي أونلاين أو وجهًا لوجه والعكس، وممكن يكون الطفل المؤذي مش مدرك عواقب اللي بيعمله وبيعتبره مجرد نوع من التسلية.

- -الاستمالة/الاستدراج : شخص مستغل بيتعرف على الأطفال عن طريق مراقبته ليهم في المدرسة أو النادي وعلى مواقع التواصل الاجتماعي أو الألعاب الإلكترونية اللي بيكن فيها مساحة للدردشة مع الأغراب، وبيستغل احتياجهم للاهتمام والصداقة والحب بشكل تدريجي لجذبهم لتصرفات أو محادثات جنسية يبعتوله من خلالها صور وفيديوهات ليهم، فيبدأ في استغلالهم وابتزازهم بالمحادثات دي.