14:14 المشاهير العرب تامر حسني يرد على رسالة رامي صبري.. وما قاله لافت

رد الفنان المصري تامر حسني، على منشور الفنان رامي صبري والذي عبر فيه عن محبته الكبيرة له، وأشاد بأخلاقه واحترامه.

وأعاد تامر نشر منشور رامي وأرفقه بتعليق كتب فيه: "حبيبي يا رامي إنت قبل ما تكون نجم كبير ومُهم إنت صاحبي من أيام الطفولة ودي حاجات الناس متعرفهاش، ويمكن مكنش في فُرصه نحكي ده قبل كده... إنت يا رامي صاحب عُمر ومشوار مشيناه من الطفولة وأنا في الصورة ماسك المايك لأخويا ولصوت مصري عظيم يستحق".
وأضاف: "شُكراً يا حبيبي على كلامك الغالي اللي من القلب أنا فعلاً اشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقة وإن ربنا يكرمنا مع بعض، أعتقد إن التعاون ده هيحمس كُل جيلنا إنه يعمل أفكار مشاركة كده وأنا بنادي بيها من زمان من أيام تامر وشيرين وبعدها تامر وبهاء في أغنية "قوم واقف" وأنا وإنت بعدها إتكلمنا من سنين عشان نجمع البعض من جيلنا وعملنا المستحيل وللأسف معرفناش فقولنا نبدأ بنفسنا عشان نحمّس الكُل".
وتابع تامر قائلاً: "حقيقي جمهورنا يستاهل مننا كُل الجديد وكل المُفاجآت اللي تفرّحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم انتظروا كليب "فعلاً مبيتنسيش" بيني وبين أخويا النجم الكبير رامي صبري باشا".